林建岳

回歸二十周年嘅大日子，一定要大眾同樂。嚟緊周末，「開心幸運里」嘉年華將喺中環海濱舉行。我哋特別將會場佈置成六十至八十年代嘅「香港舊街」，加上各式懷舊小食，仲有聽日由黎明、張智霖、陳小春組成嘅「幸運輪唱團」，以及後日由呂珊、葉振棠、尹光、劉雅麗、麥潔文、莫旭秋獻唱嘅「懷舊金曲輪住唱」，連串精采活動盡顯香港傳統文化特色。

一年一度嘅上海國際電影節係華語電影嘅盛會，每年都會有多部新片登場亮相，今年都唔例外。不少香港電影人有份拍攝嘅電影都有參展，當中包括《建軍大業》、《鮫珠傳》、《俠盜聯盟》等。可以睇到嘅係，今次我哋亮相嘅不少都係合拍片，其實經過多年發展，兩地電影合作已經愈來愈緊密，而如今嘅華語電影，融合咗國產片同港產片精髓，走向更廣闊嘅國際市場。

旅發局將會喺今年八月，喺中環海濱舉辦一連三日全新「香港電競音樂節」，我哋將會集合電子競技、音樂、同埋美食於一身，呢次亦都係旅發局首個引入電競元素嘅大型活動。現時訪港過夜度假旅客當中，有超過一半係年輕旅客。我哋特別將電競、音樂同美食這些深受年輕人喜愛的元素糅合起來，更選擇暑假期間舉行，吸引年輕客群。最重要係，我哋希望藉住呢個嶄新活動，鞏固香港「亞洲盛事之都」形象，令旅客一諗起好玩嘅旅遊目的地，就會即時聯想起香港。

由香港中華廠商聯合會、新家園協會及香港文化產業聯合總會聯手舉辦嘅「開心幸運里」嘉年華，將於七月一日起一連兩日喺中環海濱舉行，通過音樂會、懷舊街、美食攤檔、攤位遊戲，以及展覽等多元化活動，展示香港傳統文化。今次活動仲特別預留門票，派發給弱勢社群，邀請來自不同群體嘅朋友一齊參加，希望藉此凝聚社會、團結共融，營造一個滿載香港人集體回憶嘅嘉年華。

由旅發局主辦、中國香港龍舟總會（龍總）合辦的「香港龍舟嘉年華」，會由今日起至星期日於中環海濱舉行，總共會有超過五千健兒參加，競逐二十七項錦標。作為香港特別行政區成立二十周年其中一項慶祝活動，「香港龍舟嘉年華」今年亦特別增設「香港特別行政區成立二十周年建行（亞洲）紀念盃」，邀請全港十八區嘅龍舟勁旅一齊參加。我們相信透過這個活動，可以有助帶動旅遊相關消費，並為相關業界帶來更多商機。與此同時，我哋亦會藉此機會宣傳本地傳統文化，希望為旅客帶來更豐富嘅體驗。

繼《志明與春嬌》、《春嬌與志明》之後，去到今次第三集《春嬌救志明》，依然大收旺場，呢段與香港人風雨同路走過七年嘅愛情故事，繼續獲得觀眾認同。整體而言，港產電影發展非常倚重本地市場及海外拓展，其中以亞洲為最大的出口市場。如今國家「一帶一路」發展戰略，為文化產業發展帶來新的機遇，相信香港電影業發展亦可以從中受惠，藉此開拓更為廣闊的市場，獲得更多發展空間。

今個星期，「一帶一路」國際合作高峰論壇首次在北京舉行，從會後公佈的成果清單可以睇到，今次論壇成果豐碩，在政策溝通、設施聯通、貿易暢通、資金融通、民心相通等五方面，共取得七十六大項、二百七十多項具體成果。對香港而言，國家與「一帶一路」沿線各國達成嘅合作共識同成果，將為本港經濟帶來新的機遇和發展前景。

相信大家都記得，張德江委員長去年訪港，提到香港發展經濟要「勿忘初心，方得始終」。時隔一年，委員長今個星期到訪澳門，高度評價澳門在貫徹落實「一國兩制」和《基本法》、發展經濟民生所取得嘅成績。港澳兩地一衣帶水，我哋應該借鑒澳門嘅成功經驗，從中得到啟示。

香港雖然係彈丸之地，不過，喺每個區入面，都有佢獨特嘅生活文化，亦都有講唔完嘅故仔。而旅客去到一個地方旅行，好多時候都鍾意捐窿捐罅，深入體驗地道文化。中環係香港開埠初期最早開發的地區之一，雖然現時該處摩天大廈林立、金融商業機構聚集，但當中仍有唔少地方依然保存着往昔風貌。